Sunday, September 6, 2009

ഓണവും കാത്തിരിപ്പും



ഓണവും കാത്തിരിപ്പും


ഓണം വന്നോണം ഓണം വന്നോണം വന്നേ
അത്തം പത്തോണമിന്നോടി വന്നേ
ഓണത്തിന്‍ കോടിയും ഓണകളികളും
ഓമനകുഞ്ഞിന്‍റെ പുഞ്ചിരിയും ...

പുസ്തകതാളുകള്‍ അടച്ചു വച്ച്
പുത്തനുടുപ്പിതാ ഇട്ടിടുന്നേ
ഉത്രാടനാളിലെ വെപ്രാളപാച്ചിലും
ഉപ്പേരി വറുത്തതുമൊക്കയായ്

പായസം പപ്പടം പച്ചടിയായ്‌
പതിനേഴു കൂട്ടം കറികളുണ്ട്
അമ്പിളിമാമന്‍റെ പാല്‍പുഞ്ചിരി
പാല്‍പായസത്തില്‍ ഞാന്‍ കാണുന്നിതാ

മാവേലിമന്നനെ സ്വീകരിക്കാന്‍
മാവിന്‍റെ ചോട്ടിലെ പൂക്കളവും
കര്‍ഷകമക്കടെ ഉള്ളിലെ സന്തോഷം
കാണുന്നു മാവേലി പൂക്കളത്തില്‍

ഓണവെയിലിതാ പോയിടുന്നേ
ഓണപൂക്കളം    വാടിടുന്നേ
ഇനിയുമോരോണം ഇങ്ങോടിയെത്താന്‍
ഒരു വര്‍ഷംകൂടി കാത്തിരിക്കാം ......
ജോഷി പുലിക്കൂട്ടില്‍copyright©joshypulikootil
ജോഷി പുലിക്കൂട്ടില്‍

2 comments: