യാത്രാ മൊഴി
ആറടി മണ്ണിന്റെ ആർദ്രതയിൽ
ഈറനാം കണ്ണീരിൻ ഉപ്പുമായി
ആരും കൊതിക്കാത്ത മണ്ണറയിൽ
ആരോരുമില്ലാതെ ഞാൻ കിടന്നു
കിളികൾ തൻ കളകളം പോയ് മറഞ്ഞു
പത്രവും വാർത്തയുമന്യമായി
ചരമക്കോളത്തിന്റെ അടിയിലായി
ഇന്നെന്റെ ചിത്രവും അടിച്ചു വന്നു
ക്രൂശിതരൂപം കയ്യിലേന്തി
കണ്ണീരും തേങ്ങലും പിന്നണിയായ്
കുന്തിരിക്കത്തിന്റെ പുകച്ചുരുളിൽ
ക്രൂരമാമിരുളുമായ് ചേർന്നു ഞാനും
ഓർത്തതും കൊതിച്ചതും വെറുതെയായ്
ഓർമ്മകലെനിക്കിന്നു അന്യമായി
ഒരു നാളും മടങ്ങാത്ത യാത്രക്കായി
ഒരു പിടി മണ്ണ് വിതറി നിങ്ങൾ
ഇനിയില്ല വരുകില്ല സോദരരേ
ഈ നല്ല ഭൂമിയിൽ ഒരു നാളിലും
ഓർമ്മകൾ മായുന്ന വേള വരും
ഒരു ഛായാ ചിത്രത്തിൽ ഞാനൊതുങ്ങും
ഓർക്കുക സോദരാ നിങ്ങളിന്ന്
ഈ ജന്മം ചെയ്തിടും നന്മകള്
ഓർത്തിടും ഈ നാടിൻ അന്ത്യം വരെ
നീ മരിച്ചാലും ജീവിച്ചീടും
ആ നല്ല നന്മകൾ നിന്നിലൂടെ .
ജോഷി പുലിക്കൂട്ടിൽ
copyright©joshypulikootil
Saturday, September 15, 2018
Friday, September 14, 2018
കുരിശു യാത്ര
കുരിശു യാത്ര
ഇടതു തോളിൽ കുരിശുമായ്
നീങ്ങും ലോകേശാ....
മനം നുറുങ്ങും വേദന പേറി
വരുന്നു ഞങ്ങളിതാ.....
വരുന്നു ഞങ്ങളിതാ
നീങ്ങും ലോകേശാ....
മനം നുറുങ്ങും വേദന പേറി
വരുന്നു ഞങ്ങളിതാ.....
വരുന്നു ഞങ്ങളിതാ
കുരിശിൽ മൂന്നാണി മുനയിൽ
അഞ്ചിന്ദ്രിയങ്ങളും പുകയുമ്പോൾ
തന്നോടീച്ചതി ചെയ്തവരോടു നീ
സ്നേഹം തൂകിയല്ലോ......
സ്നേഹം തൂകിയല്ലോ
അഞ്ചിന്ദ്രിയങ്ങളും പുകയുമ്പോൾ
തന്നോടീച്ചതി ചെയ്തവരോടു നീ
സ്നേഹം തൂകിയല്ലോ......
സ്നേഹം തൂകിയല്ലോ
മാതാവ് കുരിശിന്റെ കീഴിൽ
കണ്ണീരുമായ് വന്ന് നില്ക്കുമ്പോൾ
സ്വാന്തനമേകും വാക്കുകൾ കൊണ്ടു നീ
ആശ്വാസമേകിയില്ലേ......
നീ ആശ്വാസമേകിയില്ലേ
കണ്ണീരുമായ് വന്ന് നില്ക്കുമ്പോൾ
സ്വാന്തനമേകും വാക്കുകൾ കൊണ്ടു നീ
ആശ്വാസമേകിയില്ലേ......
നീ ആശ്വാസമേകിയില്ലേ
ജോഷി പുലിക്കൂട്ടിൽ
copyright©joshypulikootil
Subscribe to:
Posts (Atom)