Saturday, August 7, 2010
നന്മയുടെ ഓണം
നന്മയുടെ ഓണം
ഓണത്തിന് നാളില് മാവേലി വന്നപ്പോള്
ഓര്ക്കുന്നു ഞാനിന്നു ഭൂതകാലം
ഒരു നീലസാരിയും ഒരു പിടി പൂവുമായ്
ഓടുന്നു ബസിന്റെ പിന്നാലെ നീ ....
ഉള്ളില്കയറി കഴിഞ്ഞുള്ള നോട്ടവും
നാണത്തില് മുങ്ങിയ പുഞ്ചിരിയും
ഒരു ജന്മം മുഴുവനും ഓര്മ്മിക്കുവാനായ്
ഒരു പാട് സ്വപ്നങ്ങള് തന്നല്ലോ നീ...
എന്റെ മനസിന്റെ വേദന കേള്ക്കുവാന്
എത്രയോ നാള് കൂടി വേണ്ടി വന്നു
എങ്കിലുമെന്നുടെ നൊമ്പരം കേട്ടപ്പോള്
നിന്നിലെ സ്വപ്നവും പൂവണിഞ്ഞു
ഒരുപാടു പൂവുകള് ഒരുമിച്ചു ചേരുന്ന
ഓണത്തിന് പൂക്കളമെന്ന പോലെ
പൂക്കളം തീര്ക്കുവാന് പൂവുമായ് വന്നപ്പോള്
പൂമാലയിട്ടു ഞാന് സ്വന്തമാക്കി
ഉത്രാട നാളില് ഊഞ്ഞാല് കെട്ടി നാം
എത്രയോ ആയത്തില് ആടി പൊന്നേ
ഒരുകോടി സ്വപ്നങ്ങള് കണ്ടല്ലോ നാമന്ന്
ഒരുമിച്ചു ചേര്ന്നുള്ള ജീവിതത്തില്
ഓണത്തിന് കോടിയും ഓണരുചികളും
ഓമനകുഞ്ഞിന്റെ പുഞ്ചിരിയും
ഇന്നിതാ മറ്റൊരു ഓണത്തിന് ഓര്മയില്
നമ്മുടെ സ്വപ്നങ്ങള് സത്യമായി ....
ജോഷി പുലിക്കൂട്ടില് copyright©joshypulikooti
ഈ കവിത കേള്ക്കുവാന് ഉള്ള ലിങ്ക് http://www.youtube.com/watch?v=bEnjcAYxJPU
Sunday, August 1, 2010
തംബുരുവും തമ്പുരാട്ടിയും
തംബുരുവാകുന്ന തമ്പുരാട്ടി നിന്റെ
തംബുരു ഞാനൊന്നു മീട്ടിക്കോട്ടേ
എന് കരസ്പര്ശത്താല് നിന്നിലെ രാഗങ്ങള്
മാലോകരെല്ലാരും അറിഞ്ഞീടട്ടെ
മീട്ടുന്ന രാഗങ്ങള് അവര്ണ്ണനീയം
ഏഴേഴു സാഗരം ഏഴേഴു സ്വരങ്ങളായ്
നിന്നുടെ തംബുരു ഉയര്ത്തിടുന്നു
എന്നുടെ സ്വപ്നത്തില് നിന്നുടെ രാഗങ്ങള്
ആയിരം ചിറകുമായ് പറന്നിറങ്ങി
നിന്നുടെ മോഹങ്ങള് എന് കരവിരലിനാല്
പൂവണിഞ്ഞീടുവാന് അനുവദിക്കൂ
അളകാപുരിയിലെ അപ് സരസെന്നപോല്
നീയെന്റെ ഹൃദയത്തില് നൃത്തമാടി
നിന്നുടെ സ്വയംവരപന്തലില്
ഞാനൊരു ഗന്ധര്വ്വനായിന്നവതരിച്ചു
എന്നുടെ സ്വര്ഗീയ സൗഭാഗ്യമെല്ലാം
നിന്നുടെ മുന്പില് കാഴ്ച വയ്ക്കാം
തംബുരുവാകുന്ന തമ്പുരാട്ടി നിന്റെ
തംബുരു ഞാനൊന്നു മീട്ടിക്കോട്ടേ
ജോഷിപുലിക്കൂട്ടില്
copyright©joshypulikootil
തംബുരു ഞാനൊന്നു മീട്ടിക്കോട്ടേ
എന് കരസ്പര്ശത്താല് നിന്നിലെ രാഗങ്ങള്
മാലോകരെല്ലാരും അറിഞ്ഞീടട്ടെ
നീയാകും തംബുരു എന്നുടെ വിരലിനാല്
മീട്ടുന്ന രാഗങ്ങള് അവര്ണ്ണനീയം
ഏഴേഴു സാഗരം ഏഴേഴു സ്വരങ്ങളായ്
നിന്നുടെ തംബുരു ഉയര്ത്തിടുന്നു
എന്നുടെ സ്വപ്നത്തില് നിന്നുടെ രാഗങ്ങള്
ആയിരം ചിറകുമായ് പറന്നിറങ്ങി
നിന്നുടെ മോഹങ്ങള് എന് കരവിരലിനാല്
പൂവണിഞ്ഞീടുവാന് അനുവദിക്കൂ
അളകാപുരിയിലെ അപ് സരസെന്നപോല്
നീയെന്റെ ഹൃദയത്തില് നൃത്തമാടി
നിന്നുടെ സ്വയംവരപന്തലില്
ഞാനൊരു ഗന്ധര്വ്വനായിന്നവതരിച്ചു
എന്നുടെ സ്വര്ഗീയ സൗഭാഗ്യമെല്ലാം
നിന്നുടെ മുന്പില് കാഴ്ച വയ്ക്കാം
തംബുരുവാകുന്ന തമ്പുരാട്ടി നിന്റെ
തംബുരു ഞാനൊന്നു മീട്ടിക്കോട്ടേ
ജോഷിപുലിക്കൂട്ടില്
copyright©joshypulikootil
Subscribe to:
Posts (Atom)