നീ തനിച്ചിരുന്നതോർത്തു കേണിടുന്നു ഞാനിതാ
ഓർമ്മകൾക്കു മീതെയെന്റെ കമ്പളം വിരിക്കിലും
ഓർത്തുപോകുമെന്നുമാ പോയകാലജീവിതം
നിന്റെ നെഞ്ചിനുള്ളിലെന്റെ നനുനനുത്തയോർമ്മകൾ
ഈറനായി വിറങ്ങലായി മങ്ങി മങ്ങി പോകവേ
മഞ്ഞുരുകും മാമലയിൽ താരകം വിരിയവേ
മഞ്ഞണിഞ്ഞ മാനസത്തിൽ ഓർമ്മകൾ മരിക്കവേ
കണ്ണുനീരിലിന്റെയുള്ളം നീറിനീറി പുകയവേ
കണ്ണിമയിൽ നിന്റെ മുഖം അന്നുമിന്നുമോർക്കവേ
താരകങ്ങൾ സ്വന്തമാക്കാനാർത്തി പൂണ്ട മേഘം പോൽ
ശാരികേ നിനക്ക് വേണ്ടി കാത്തിരിപ്പൂ ഞാനിതാ
മാരിവില്ലു കണ്ടു നൃത്തമാടിടുന്ന മയിലുപോൽ
മാനസത്തിൽ നിന്നെയോർത്തു മധു നുകരുന്നിന്നു ഞാൻ
ജോഷി പുലിക്കൂട്ടിൽ
copyright©joshypulikootil
