Thursday, November 26, 2009

സന്ധ്യ തന്‍ നൊമ്പരം


സന്ധ്യ തന്‍ നൊമ്പരം
ചന്ദനം മണക്കുന്ന
സന്ധ്യതന്‍ ഇരുളില്‍ ഞാന്‍
കാണുന്നൂ എന്നെപ്പോലെ
സൂര്യനും ശോകനായ്‌

ചെമ്മാനം തുടച്ചു നീ
പോയല്ലോ സാഗരത്തില്‍
അന്നേരം കണ്ടു ഞാനാ
അമ്പിളി പൂനിലാവ്‌

സൂര്യനെ കണ്ടപോലെ
സന്ധ്യയോ കാണുന്നിതാ
ചന്ദ്രന്‍റെ ലോലമായ
അമ്പിളി പൂനിലാവ്‌


ചെമ്മാനം തരുന്നൊരാ
സൂര്യനോ നിനക്കിഷ്ടം
പൂനിലാ വിതറുന്ന
ചന്ദ്രനോ നിനക്കിഷ്ടം


സന്ധ്യയേ പറയു നീ
കേള്‍ക്കുവാന്‍ കൊതിയായി
ഇന്നോളം ഭൂമുഖത്ത്
കണ്ടെത്താ ഉത്തരത്തെ

സൂര്യനെ പിരിയുന്ന
നിന്നുടെ മനസിന്‍റെ
വേദന മറയുന്നു
അമ്പിളി വന്ന നേരം


കരയും ജലവുമായ്
അതിരു തിരിക്കുന്ന
ഓളത്തിന്‍ നൊമ്പരം ഞാന്‍
കാണുന്നൂ സന്ധ്യേ നിന്നില്‍

ഏതാണ് സന്ധ്യക്കിഷ്ടം
എന്നൊരാ
ചോദ്യത്തിന്
നിങ്ങള്‍ക്ക് ഊഹിച്ചീടാം
നിങ്ങടെ യുക്തി പോലെ



ജോഷി പുലിക്കൂട്ടില്‍
copyright©joshypulikootil





Saturday, November 21, 2009

ആത്മാവിന്‍റെ വിലാപം



ഈ മണ്ണില്‍ നടമാടും ജീവിതത്തില്‍
ഇനിയുമൊഴുക്കുവാന്‍ കണ്ണീരുണ്ടോ
ദു:ഖത്തില്‍ ദുരിതത്തില്‍ ഉഴലുന്നു ഞാന്‍
ദുര്‍വിധിക്കെപ്പോഴും സഹചാരി ഞാന്‍

കാണാത്ത വില്ലന്‍റെ വിളയാട്ടത്തില്‍
കാണാതൊളിക്കുന്നു ഞാനെപ്പോഴും
എന്നാലുമെന്നാലുമെന്നാളും ഞാന്‍
എല്ലാമറിഞ്ഞോണ്ട് ചിരിച്ചീടുന്നു

ഈ ലോക ജീവിതനാടകത്തില്‍
സമ്മാനം നോക്കാതെ നടിക്കുന്നു ഞാന്‍
ഒരു നാളില്‍ ലഭിക്കുന്ന സമ്മാനമോ
ഒരു നോക്കു കാണുവാന്‍ ഞാനില്ലപ്പോള്‍

കാണാത്ത സമ്മാനം കണ്ടിട്ടപ്പോള്‍
നാട്ടാര്‍ പുകഴ്ത്തുന്നു നല്ലവന്‍ ഞാന്‍
അതു കേള്‍ക്കാന്‍ ഞാനില്ലയെന്ന സത്യം
അറിഞ്ഞോണ്ടു പറയുന്നു നല്ലവന്‍ ഞാന്‍

ഇവര്‍ നല്‍കും ഈ ഹാസ്യ സമ്മാനങ്ങള്‍
കാണാതെ പോയതാണെന്‍റെ ഭാഗ്യം
ഈ ജന്മം കിട്ടാത്ത സമ്മാനങ്ങള്‍
മറുജന്മം കിട്ടുമ്പോളെത്ര ദു:ഖം

മാനവ ജന്മം പുണ്യ ജന്മം
ആ ജന്മം നന്നായി ജീവിക്കുക


ജോഷി പുലിക്കൂട്ടില്‍ copyright©joshypulikootil

Friday, November 20, 2009

ക്രിസ്തുമസ്




ഇന്നല്ലോ ക്രിസ്മസ് പൊന്‍പുലരി
ഈശോയെ വാഴ്ത്തുന്ന പൊന്‍പുലരി
ഈണത്താല്‍ കിങ്ങിണി മുഴക്കിടെണം
ഈശോയെ മനസേറ്റു വണങ്ങിടെണം
ഹാലേലൂയ ഹാലേലൂയ ഹാ ലേ ലൂ യാ

ജാതിയും മതവും പ്രശ്നമല്ല
നക്ഷത്രദീപങ്ങള്‍ വീടു തോറും
ഈ നല്ല മാനുഷ പുത്രനല്ലോ
മാനവ രക്ഷയ്ക്കു വന്നു ഭൂവില്‍
ഹാലേലൂയ ഹാലേലൂയ ഹാ ലേ ലൂ യാ

കാലിത്തൊഴുത്തിലെ പുല്‍മെത്തയില്‍
കന്യകാ മേരിതന്‍ പുത്രനായ്‌
മണ്ണിന്‍റെ പുത്രന്‍ അവതരിച്ചു
മാലാഖമാരിതാ പാടിടുന്നു
ഹാലേലൂയ ഹാലേലൂയ ഹാ ലേ ലൂ യാ

ഈ നീലരാവിന്‍റെ പൊന്‍പ്രഭയില്‍
നക്ഷത്രദീപങ്ങള്‍ സാക്ഷിയാക്കി
രാജാക്കന്മാരിതാ വന്നിടുന്നു
സമ്മാനമേകി വണങ്ങിടുന്നു
ഹാലേലൂയ ഹാലേലൂയ ഹാ ലേ ലൂ യാ

കാലിത്തൊഴുത്തിലെ ആട്ടിടയര്‍
ദൈവത്തിന്‍ സൂനുവേ നമിച്ചിടുന്നു
മാലാഖമാരിതാ പാടിടുന്നു
വിണ്ണിന്‍റെ പുത്രന്‍ അവതരിച്ചു
ഹാലേലൂയ ഹാലേലൂയ ഹാ ലേ ലൂ യാ

മാനവപുത്രന്‍റെ ജന്മദിനം
മാനവരൊന്നായ് ആഘോഷിക്കാം
നന്മകള്‍ ചെയ്തു നോമ്പുകള്‍ നോറ്റ്
നമുക്ക് സന്തോഷം പങ്കുവെയ്ക്കാം
ഹാലേലൂയ ഹാലേലൂയ ഹാ ലേ ലൂ യാ


ക്രിസ്മസ് രാത്രിയില്‍ ഉണര്‍ന്നിരിക്കാം
ക്രിസ്തുവില്‍ സന്തോഷം പങ്കുവെയ്ക്കാം
മഞ്ഞിന്‍റെ കുളിരില്‍ മയങ്ങുന്ന ഉണ്ണിയെ
മാലാഖമാരൊത്തു പുതപ്പിച്ചീടാം
ഹാലേലൂയ ഹാലേലൂയ ഹാ ലേ ലൂ യാ

ജോഷി പുലിക്കൂട്ടില്‍ copyright©joshypulikootil