അശ്രുപൂക്കൾ.... അനിൽ പനച്ചൂരാൻ

 

സ്നേഹിതനുമപ്പുറം
മനസിലുള്ള നീയിനി
മഞ്ഞുതുള്ളി പോലെയിന്ന
ലിഞ്ഞലിഞ്ഞു പോകവേ

കണ്ണുനീരിൽ കുതിർന്നുവെൻ്റെ
കണ്ഠമിന്നിടറിടുമ്പോൾ
കരളിലെന്നും നൊമ്പരത്തിൻ
കാറ്റു വീശി പോയി നീ

നൊമ്പരങ്ങൾ വരികളായ്
നീ കുറിച്ച കവിതകൾ
നെഞ്ചകത്തിലേറ്റിയി
ന്നായിരങ്ങൾ മൂളവേ

ക്ഷിപ്രമായ ജീവിതത്ത
നപ്പുറം തിരഞ്ഞു നീ
പോയിടുന്നു സ്നേഹിതാ
കോവിഡെന്ന പേരിനാൽ

നീ തിരഞ്ഞു കണ്ടറിഞ്ഞ
സത്യവും തേടി ഞാൻ
നിൻ പുറകെയെത്തിടാം
നിത്യമാം കൂട്ടിനായ്


ജോഷി പുലിക്കൂട്ടിൽ