കനവിന്റെ കനവുകൾ

മറക്കാതിരിക്കുവാനാവില്ലെന്നറിയാതെ
പിരിയുന്ന ഹൃദയങ്ങൾ കരയുന്നുവോ
കനവുകളൊക്കെയും കനലായെരിയുമ്പോൾ 
കരയാതിരിക്കുന്നതെങ്ങനെ ഞാൻ

ഓർമ്മകളൊക്കെയും കേഴുമീ ഹൃദയത്തിൽ
ഓളങ്ങളായിന്നു തിരതല്ലുമ്പോൾ
ഓർക്കുന്നു ഞാനാ നിമിഷങ്ങളൊക്കെയും
ഒരുനാളും ലഭിക്കില്ലെന്നറിയുമ്പോഴും

മുകിലൊന്നു കറക്കുമ്പോൾ മതിമറന്നാടുന്ന
മയിലിന്റെ മനസിന്റെ പരിഛേദം പോൽ
മറ്റാരുമില്ലാതിരിക്കുന്ന നേരത്തു ഞാനെന്റെ
ചിറകറ്റ സ്വപ്‌നങ്ങൾ ചേർത്തു വയ്ക്കും

വിരഹത്തിൻ വേദനയറിയാത്ത ഹൃദയങ്ങൾ
പിരിയുന്ന നിമിഷത്തെ ശപിക്കുമ്പോഴും
ഒരുനാളിൽ നീ വീണ്ടും വരുമെന്നൊരാശയാൽ
മരിക്കാതെ മറക്കാതെ പോകുന്നു ഞാൻ
മരുഭൂവിൽ മരുപ്പച്ച തേടിടുന്നു

ജോഷി പുലിക്കൂട്ടിൽ
copyright©joshypulikootil