കുട്ടനാടന്‍ വിലാപം
ഓളങ്ങളുയരുന്ന കായലിന്‍ നടുവില്‍
ഓടത്തിലൂടെ നീങ്ങുമ്പോള്‍ സഞ്ചാരി
കാണുന്ന കാഴ്ച്ചകളെത്ര മനോഹരം
ദൈവത്തിന്‍ നാടെത്ര വര്‍ണ്ണമനോഹരം
കാണുന്ന കാഴ്ച്ചകളെത്ര മനോഹരം
ദൈവത്തിന്‍ നാടെത്ര വര്‍ണ്ണമനോഹരം
അതിരു തിരിക്കുന്ന കേരങ്ങളും
അങ്ങിങ്ങു കാണുന്ന ഷാപ്പുകളും
പുഞ്ചപ്പാടങ്ങളും കൊയ്ത്തുപാട്ടും
അങ്ങിങ്ങു കാണുന്ന ഷാപ്പുകളും
പുഞ്ചപ്പാടങ്ങളും കൊയ്ത്തുപാട്ടും
വഞ്ചികള്‍ തന്നുടെയോളങ്ങളും
ഇവിടില്ല മാലിന്യ പരിസ്ഥിതി പ്രശ്നങ്ങള്‍
ഇവിടില്ല വര്‍ഗ്ഗീയ രാഷ്ട്രീയ ഭേദങ്ങള്‍
ചുറ്റുമായ്‌ കാണുന്ന ജലത്തിനു നടുവില്‍
ചുറ്റുന്നു മര്‍ത്യന്‍ ദാഹജലത്തിനായ്‌
ചുറ്റുമായ്‌ കാണുന്ന ജലത്തിനു നടുവില്‍
ചുറ്റുന്നു മര്‍ത്യന്‍ ദാഹജലത്തിനായ്‌
ദാഹിക്കും മര്‍ത്യന്‍റെ കൂരയ്ക്ക് മുമ്പിലായ്
ഒഴുകുന്ന ഓടത്തില്‍ ബിസ്സ്ലെരിയും പേറി
ഒഴുകുന്ന ഓടത്തില്‍ ബിസ്സ്ലെരിയും പേറി
പോകുന്ന സഞ്ചാരീ നീയറിയുന്നുവോ
ദൈവത്തിന്‍ നാട്ടിലെ മര്‍ത്യന്‍റെ വേദന
ദൈവത്തിന്‍ നാട്ടിലെ മര്‍ത്യന്‍റെ വേദന
കര്‍ക്കിടകത്തിലെ കാലവര്‍ഷത്തില്‍
മുങ്ങുന്ന കൂരയില്‍ തട്ടുകള്‍ കെട്ടിയും
സര്‍ക്കാര് നല്‍കുന്ന പച്ചരിയും
നെരമിരുളുമ്പോള്‍ ഒപ്പമിരുളുന്ന വൈദ്യുതിയും
മുങ്ങുന്ന കൂരയില്‍ തട്ടുകള്‍ കെട്ടിയും
സര്‍ക്കാര് നല്‍കുന്ന പച്ചരിയും
നെരമിരുളുമ്പോള്‍ ഒപ്പമിരുളുന്ന വൈദ്യുതിയും
പുഴമീനും കപ്പയും കൊഞ്ചുമായ്‌
ഒഴുകുന്ന സൌധത്തില്‍ കേരള ഭക്ഷണം
ഒഴുകുന്ന സൌധത്തില്‍ കേരള ഭക്ഷണം
ഇതിനൊപ്പമുയരുന്ന ടൂറിസ്റ്റ്ബംഗ്ലാവും
ആലപ്പുഴ തന്‍ ആഡംബരങ്ങളും
ആലപ്പുഴ തന്‍ ആഡംബരങ്ങളും
ഇതുകണ്ട് കോരിത്തരിക്കുന്ന സഞ്ചാരീ
നീയറിയുന്നില്ല കര്‍ഷക നൊമ്പരം
നീ കാണും കേരങ്ങള്‍ പാടുന്ന കഥകളില്‍
പതിയിരിക്കുന്നു പട്ടിണി മരണങ്ങള്‍
നീയറിയുന്നില്ല കര്‍ഷക നൊമ്പരം
നീ കാണും കേരങ്ങള്‍ പാടുന്ന കഥകളില്‍
പതിയിരിക്കുന്നു പട്ടിണി മരണങ്ങള്‍
മര്‍ത്യന്‍റെ അവകാശമെന്നു പറയുന്ന
വസ്ത്രവും വീടും കുടിവെള്ളവും
ഇല്ലാതെ വലയുന്ന മര്‍ത്യന്‍റെ ദു:ഖം
ഇല്ലാ നിനക്കത്‌ മനസിലാകില്ല
വസ്ത്രവും വീടും കുടിവെള്ളവും
ഇല്ലാതെ വലയുന്ന മര്‍ത്യന്‍റെ ദു:ഖം
ഇല്ലാ നിനക്കത്‌ മനസിലാകില്ല
ദൈവത്തിന്‍ നാടേ കേഴുക നീ.......
ജോഷി പുലിക്കൂട്ടില്‍ copyright©joshypulikootil
adipoli.very very meaningful.i like it
ReplyDeleteഎന്ത് സൌന്തര്യമാണീ കുട്ടനാട്
ReplyDeleteഎതു പോലെ ജോഷിചേട്ടന്‍റെ കവിതയും